كشفت الفنانة غادة عبد الرازق، عن أن أهم ما جذبها لشخصية "عايدة" في مسلسل صيد العقارب أنها شخصية جديدة وتحمل في جنباتها ملامح كثيرة منها

قائلة:  شخصية جديدة علي فيها ملامح مني كنت دائماً بحاول أثبت لأهلي وأبويا أني أقدر أعمل أي حاجة وإني مش معنى إني ست أن الراجل يبقى أحسن مني ولقيت في كتير جداً من شخصية عايدة

وتابعت:  فيه ناس بتخلط كتير في الحتة دي مش معنى إن الشخصية طيبة ولها شخصيتها واحترامها وكيانها وأن يكون لها قرار وتستطيع أن تقود بيت وعيلة وبنت وأحفاد يفكروا في المقابل

أن لازم تبقى الشخصية دي شريرة ومعندهاش قلب ومش بتعرض تعيط وده غلط وخلط في الأوراق مع الست

وعن سبب اختفائها لفترات، قالت:  أنا عامة ست بيتوتية جداً ولكن في لحظة الانكسار بختفي أكتر

وعن أهم الأسباب التي قد تسبب كسرة لغادة عبد الرازق، قالت: حاجات كتيرة جداً زي كل البني آدمين مثل فشل في الشغل يكسرني أو أعداء يحاربوني ويوصلوا لغرض ما تكسرني

أو حاجة تمس بنتي أو أهلي تكسرني أو حاجة تشوه سمعتي والخيانة وأزمة مادية تكسرني