شارك الدكتور فريد شوقي المنزلاوي عضو الهيئة العليا لحزب العدل، رسالة مؤثرة لجمهوره عبر صفحته الرسمية على مواقع التواصل الاجتماعي، أكد فيها أهمية التمسك بالأحلام وعدم الاستسلام أمام التحديات.

وقال الدكتور فريد شوقي في رسالته:
"إوعى تسيب حلمك  لو ما حاربتش عشان توصل للي نفسك فيه… هتتعب أضعاف عشان تتأقلم مع وضع عمرك ما اخترته ولا كنت راضي بيه. الطريق الصعب هو اللي بيطلعك فوق، والمشوار الطويل هو اللي بيصنع الأبطال. كل نقطة عرق بتنزل منك في السعي، هي طوبة في بناء مستقبلك. وكل لحظة صبر… هي خطوة تقرّبك من حلمك. متخليش الخوف يشدك لورا… ولا الظروف تكسر ضهرك. إنت أقوى بكتير مما متخيل… وأقدر من اللي فاكر. قوم… اتحرك… تمسّك بحلمك… وهييجي اليوم اللي تقول فيه لنفسك: الحمد لله إني ما استسلمتش.  افتكر دايمًا: التعب عشان الحلم راحة… لكن الاستسلام أكبر وجع."

كما تفاعل المئات من متابعي الدكتور فريد شوقي مع كلماته، التي حملت طابعًا إنسانيًا ورسالة تحفيزية موجهة للشباب، مؤكدين أنها تعكس إيمانه بقوة الإرادة والعمل الجاد لتحقيق النجاح.